Gaurkotasun-albisteak
Egizu GIBaren, sifiliaren eta C Hepatitisaren proba aurretiko hitzorduarekin
Aurrerantzean, Bizkaisidak GIBaren, sifiliaren eta C Hepatitisaren proba azkarrak aurretiko hitzorduarekin egingo du. Proba hauek egin nahi badituzu, deitu gure telefono zenbakira edo idatzi gure Whatsapp zerbitzura: 609 03 99 00
GIBAREN PREBENTZIORAKO ESTRATEGIA BERRIAK
GIBaren prebentzioaren eremuan sortu diren tresna berriei buruz hitz egiteko, GIBAREN PREBENTZIORAKO ESTRATEGIA BERRIAK izeneko Jardunaldia antolatu dugu. Aditu askok hartuko dute parte ekitaldian. Hitzordua: Azaroaren 14an, Euskalduna Jauregian. Izen emateak: jornadasprep@bizkaisida.com
Diskriminazioa osasungintzan
Bizkaisidak, genero-izaera edo sexu orientazioagatik osasungintzan baztertuak sentitu diren pertsonei zuzenduriko zerbitzua jarri du martxan. Eskaintzen duguna: Aholkularitza Bitartekaritza Laguntza psikologikoa Maiatzaren Biko Kalea 6 – 1. Eskuin / 48003 Bilbo Telefonoa: 609 03 99 00
E=E Kanpaina
Bizkaisidan ere, mundu mailako E=E (DetektaEzina=TransmitiEzina) kanpainarekin bat egiten dugu. Bihartik aurrera, Bilboko metroan ikusgai.
Indetectable = Intransmisible
GIBaren infekzioaren tratamendu berriek, birusarekin bizi diren pertsonen osasuna babesteaz eta bizitza kalitatea hobetzeaz gain, transmisio-katea apurtzen dute: Hau da, GIBa duten pertsonek, tratamendua hartzeagatik birus “detektaezina” edo “antzemanezina” badute, ezin dute GIBa transmititu. Aurrerapen honek, GIBdunen osasun eta ongizatean eragin izugarri positiboa du eta prebentzio estrategia berriztatzaile bat aurkezten digu. Gainera, infekzioak duen estigmaren[…]
ARRISKUZKO SEXU-JOKABIDEAK IZAN BADITUZU, ARGITU ITZAZU ZURE ZALANTZAK. EGIZU PROBA.
Gure jardueren txostena
Nor gara
Bizkaisida, GIB/HIES-aren inguruko aktibismoaren eskutik, 1986. urtean jaiotako irabazi asmorik gabeko Gobernuz Kanpoko Erakunde bat da.
Bilbon kokatua dagoen gure elkartea 1987. urtean fundatu zen, orduarte ezezaguna zen gaixotasun berri batek sortutako gatazka kliniko zein sozial ezberdinei erantzuna ematen saiatu zen herri-ekimen baten eskutik. Fundatzaileetako batzuk oraindik ere bertan egiten dute lan eta espainiar estatuko GKE aitzindari, beterano eta adierazgarrienetarikoa da, GIB-aren aktibismoaren eremuan. Gure helburu nagusia, infekzioaren prebentzioan lan egiteaz gain, GIBak gehien zigortzen dituen gizataldeei sostengua eskaintzea da. GIBaren prebentzioan, diagnostiko goiztiarrean eta arreta soziosanitarioan oinarritzen dira gure betebehar nagusiak.
-
Biztanleria digitala
Teknologia berriek gure artean komunikatzeko erabiltzen ditugun tresna, kanal eta kodigoak guztiz eraldatu dituzte, eta gure elkarteak, bere komunikazio estrategia guztiak errealitate berri honetara egokitu ditu.
-
Immigrazioa
90. hamarkadaren bukaeran etorkin afrikarren kopurua handia zen Bizkaiako hiriburuan, Bilbo Zaharreko auzoan. Hori dela eta, arreta soziosanitarioa eskaintzeaz gain (oinarrizko giza-eskubidea baita), gizatalde zehatz honen kideen, artean transmititu daitezkeen gaixotasunen inguruko informazioa zabaltzea erabaki genuen, gehienbat , GIBan oinarritutakoa.
-
Droga-mendekotasuna
Droga-mendekotasuna duten pertsonentzat dugun prebentzio programa, Kalteen Murrizketan oinarrituta dagoen estrategia da. Bakoitzaren erabaki pertsonalak errespetatuz, drogak kontsumitzen dituzten pertsonen bizi baldintzak hobetzea (bai osasun eremuan, eremu sozialean zein psikologikoan eta kontsumoak eragin ditzakeen kalteak edo gizarte-bazterkeria murriztea dira gure helburuak.
-
Prostituzioa
Sexu-langileei zuzenduriko prebentzio programa, 1989. urtean sortu zuen Bizkaiko Hies-aren Aurkako Herri Batzordeak. Bai Bilbon eta bai hiri inguruan prostituzioan lan egiten duten pertsonei arreta eskaintzea da programaren xedea, nahiz eta San Frantzisko auzoko Gorte Kalean lan egiten dutenei lehentasuna ematen diegun.
-
Diskriminazioa
Eskumenean ditugun baliabide guztiak erabiliz, GIBaren inguruko estigma sozialaren aurkako borrokan oinarritzen ditugu gure eguneroko zereginak, estigma honek sortarazi ditzakeen diskriminazio egoera ezberdinei erantzuna ematen.
-
Biztanleria orokorra
Nahiz eta gure esku-hartzea GIBaren prebalentzia handiena duten gizataldeetan ardaztu, biztanleria osoari eskaintzen dizkiogu gure zerbitzuak, birusaren transmisioa ekiditen dituzten jokabideak eta pentsaera solidarioak sustatuz.
